Այսօր կրթահամալիր էին այցելել «Ռոզա Օթումբաևայի նախաձեռնություն» հիմնադրամի պատվիրակությունը։ Հիմնադրամի ներկայացուցիչները` որպես հանրապետությունում իրականացվող պետական հանրակրթական ծրագրի պետական այլընտրանք, հետաքրքրված էին հեղինակային մանկավարժությամբ, դրա կազմակերպմամբ, կրթական միջավայրով, մեթոդներով։ Պատվիրակությունը շրջայցով եղավ Հյուսիսային դպրոց-պարտեզում, Գեղարվեստի ուսումնական կենտրոնում, ապա՝ կրթական պարտեզով՝ Մայր դպրոցում։
Շրջայցը ուղեկցվում էր հարցադրումներով` տեսած յուրաքանչյուր դրվագը ֆիքսելով։ Ֆոնդի ներկայացուցիչները տպավորված էին կրթական միջավայրով, յուրաքնաչյուր հատվածի մանկավարժական հիմնավորմամբ և պարզությամբ։ Մասնավորապես՝ բաց- անպատնեշ, անպարիսպ միջավայրով, խոհանոցի ինքնասպասարկմամբ, բաց արվեստանոցով, «Էկո զինվոր» նախագծի աղբի տեսակավորմամբ, ուսուցչական երգչախմբով, նախակրթարանի լուծումներով, ուսուցիչների կատարմամբ հնչող օրորոցայիններով։ Հյուրերը ոգևորվեցին` լսելով կրթական կամուրջների, փոխանակումների ծրագրերի մասին և հանդես եկան առաջարկ-խնդրանքով։ Ավելին` տեսանյութում:
Հյուլե 
Ծանուցում՝ «Ռոզա Օթումբաևայի նախաձեռնություն» հիմնադրամի պատվիրակությունը կրթահամալիրում | Մանկավարժության կենտրոն
Ծանուցում՝ Հավաքից հավաք | Հյուլե