«Արվեստի փառատոնը» նոր ու առանցքային զարգացումներով շարունակում է իր ընթացքը։
Արվեստի փառատոնի շրջանակում՝ ամռանը մենք ունեցանք սիմպոզիում, որի կազմակերպման ետևում կանգնած էր Գյումրի գեղարվեստի ակադեմիան՝ իր ուսանողներով և դասախոսական կազմով։ Դրան հաջորդեց երկրորդ՝ արդեն արատեսյան փուլը, և երկու տարբեր խմբերի հետ այցելեցինք Արատես, որին մասնակից էին նաև Գյումրու ակադեմիայի ուսանողները։Համագործակցությունն այնքան ջերմ էր ու զարգացման մեջ տեսանելի, որ ունեցանք պայմանավորվածություն ակադեմիայի ռեկտորի՝ Վահագն Ղուկասյանի հետ և օգոստոսի 24-ին այցելեցինք Գյումրի՝ կրթահամալիրի հետ համագործակցության, գործընկերային հարաբերություններ հաստատելու։ Երեկ արդեն, Գյումրու գեղարվեստի ակադեմիայի ռեկտորի՝ Վահագն Ղուկասյանի հետ, այցելեցինք Արատես, ուսումնասիրեցինք տեղանքը, դիտարկեցինք այն աշխատանքները, որոնք կարող են շուրջտարյա լինել, և ակադեմիայի հետ միասին կարող ենք ձևավորել Արատեսյան օրացույց, որտեղ կլինեն աշխատանքային տարբեր նախագծեր, ստեղծագործական հավաքներ, ինչպես նաև՝ տարբեր սիմպոզիումներ։
Հյուլե 