Հարթակում ծնողն է․․․Ֆիզիկական Բաց արվեստանոցից մինչև վիրտուալ հարթակ

 

Վարպետության դասեր- ցուցադրություններ, հանդիպումներ

Բաց արվեստանոց․․․Ծեսից մինչև  ներկայանում են ծնողները․․.

Մանկավարժական այս միջավայր- հարթակը ծնվեց «Գույներ և ազդեցություններ» նախագծով։ Փիրոսմանիից մինչև Ստամբուլ։

Հիմքում արարումն էր․․․միակ ուղեցույց ունենալով ուսումնական օրացույցը։ Խթանիչներով հարուստ մի միջավայր, որտեղ սովորողները ազդեցությունները(ծիսական, օրացուցային երաժշտություն, թեմա), ընդունելով հայտնվում են ստեղծագործական գործողության մեջ։ Ինչպես Դյուին կասեր. «Նրանք այլևս սպառող չեն»։ Սովորողները, սաները, բաց արվեստանոցի միջավայրում հայտնվելով, հանդես են գալիս արարողի, ստեղծողի դերում, սովորել՝ անելով, խաղայնությամբ, հնարելով։ Այո՛, միտքը միայն գենետիկայի և միջավայրի միասնական սինթեզի ծնունդն է։ Ստեղծված աշխատարանի հմայքը իր անընդհատության, շարունակ դինամիկ, գործուն ստեղծականության մեջ էր։ Ամենատարբեր նախագծային խմբեր, նախակրթարանի 2 տարեկան սանից մինչև ուսուցիչ, ծնող՝ կրթական փոխանակումով, վերապատրաստման ծրագրով հեղինակային մանկավարժությանը մերձեցող պատվիրատուներ։

Անցնելով մի սիրուն, բեղուն, զարգացող նախագծային, փառատոնային շրջան՝ բաց արվեստանոցը ունեցավ ընդլայնում՝ նոր աշխատարան-արվեստանոց, Artասահման պատկերասրահ։ Տասնյակ վարպետության պարապմունքներ, համերգ-ցուցադրություններ, ծիսական գործունեության ձևեր։ 2019-2020 ուստարում Բաց արվեստանոցը 《Սեբաստացու օրերին》 իր գիրկն առավ նաև ծնող-մասնագետներին` «Բաց արվեստանոցում սեբաստացի ծնողներն են» նախագծով։

Բաց արվեստանոցում ներկայացան Հյուսիսային դպրոցի ծնողները, հանդես եկան workshop-ով, ցուցահանդեսներով, ասուլիսներով, ներկայացումներով։ Զուգահեռ նաև հյուրընկալեցինք այդ հարթակում այլ արվեստագետների, մտավորականների։ Իհարկե ֆիզիկական միջավայրում ունեինք օրացույց, հարթակի հյուր-վարպետներ, սակայն այն խախտվեց, ընդհատվեց, երբ կենտրոն եկավ թագավարակը։

Ի՞նչ անել և ինչպե՞ս անել․․․Եթե հայացք նետենք ու փորձենք հասկանալ Բաց արվեստանոցում նախագծի խորքը, ապա պիտի գրանցենք, որ այն ընտանիք-դպրոց սահմանների ջնջմանն էր ուղղված, այն միավորող կամուջ էր, ներառականության հարթակ։ Ճանաչի՛ր դպրոցդ, ճանաչի՛ր պատվիրատուիդ, դարձիր ուսուցիչ, արի կենտրոն, փոխանցի՛ր, բռնիր երեխայիդ ձեռքը, վստահություն փոխանցիր․․․չէ՞ որ միջավայրն այնքան նպաստավոր է․․․․։

Հեղինակային մանկավարժությունը արտակարգ դրության օրերին մտավ ընտանիք , զարգացավ, ծնողները, լինելով մեդիագրագետ, շուտ յուրացրեցին գործիքները, ստանձնեցին իրենց պատասխանատվությունը՝ երեխայի առաջին կրթիչի դերը։ Այո, հարթակում ընտանիքն է, «Հարթակում ծնողն է»։ Մարտ ամսից հետևելով մանկավարժության զարգացմանը սեբաստացիական ընտանիքներում՝ պիտի վստահորեն արձանագրեմ, որ այդ փոքրիկ հասարակությունը կենտրոն եկավ իր կարգապահության բարձր աստիճանով, իհարկե, որպես խորհրդատու ունենալով դպրոցին, ուսուցչին, ստեղծելով ու դառնալով տասնյակ նախագծերի մասնակից։

Հետևելով ընտանեկան դպրոցի զարգացմանը, ամեն օր ավելի ու ավելի ներառված ծնող ու ընտանիք հայտնաբերելով սկսեցին հրապարակվել բազմատեսակ նյութեր, պատումներ, գնահատականներ։ Առաջացավ ցանկություն՝ մի նոր նախագծի ներքո լսել ծնողին, որը կանդրադառնա ընտանեկան դպրոցին, դրա առավելությանը, դժվարություններին, դերին, դպրոց-ուսուցիչ-ծնող շղթային, ուսումնական պլանին, հանդես կգա առաջարկով, որպես մասնագետ՝ նաև պարապմունքով։  «Հարթակում ծնողն է»  նախագծով տարբեր ծնողներ իրենց խոսքով, ներկայացմամբ  արդեն 15-րդ հավաքին մասնակից։  

 

Հարթակում ծնողն է․ Հյուսիսային դպրոց-պարտեզ

Նախակրթարան

 

 

Դպրոց

  •  

Տեսադասեր, պարապմունքներ․․․Վարում են ընտանեկան դպրոցի կազմակերպիչները

 

Բաց արվեստանոցում ծնողներն են

Թողնել պատասխան

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Փոխել )

Google photo

You are commenting using your Google account. Log Out /  Փոխել )

Twitter picture

You are commenting using your Twitter account. Log Out /  Փոխել )

Facebook photo

You are commenting using your Facebook account. Log Out /  Փոխել )

Connecting to %s

This site uses Akismet to reduce spam. Learn how your comment data is processed.