Մելիք-Աղամալյան Սահակ Աբրահամի (ծննդյան թվականը անհայտ է — 1834 թվական, Երևան), հասարակական գործիչ։ Աբրահամ Մելիք-Աղամալյանի որդին։ 1804 թվականին հոր և բազմաթիվ հայ գերդաստանների հետ գաղթել է Փամբակ, սակայն հետագայում վերադարձել է Երևան և ստանձնել մելիքի պաշտոնը։ Երևանի վերջին սարդար Հյուսեին-Ղուլի խանի մերձավոր պաշտոնյաներից էր և խանության հայկական հետևազորի հրամանատարը։ 1826—1828 թվականների ռուս-պարսկական պատերազմի ժամանակ մեծ ծառայություններ է մատուցել ռուս զորքին։ Հայկական մարզի ստեղծումից հետո Մելիք-Աղամալյանը, որպես հայ բնակչության ներկայացուցիչ, անդամակցում էր մարզային վարչությանը։
ՍԱՀԱԿ ԱՂԱ — Երևանի Մելիք-Աղամալյան տոհմից, որդին Աբրահամ Մելիք-Աղամալլյանի։ Մելիք–Աղամալյանները ապրել են Կոնդում, որտեղ ունեցել են իրենց տոհմական եկեղեցին (սուրբ Հովհաննես) և շքեղ մելիքական ապարանք։ Մելիք–Աղամալյաններին է պատկանել Էլառ գյուղի մի մասը, իսկ Ծաղկաձորում՝ Արզաքյանդը։
Վերջին սարդար Հյուսեյին խանի տիրապետության ժամանակ այդ տոհմի մելիքն է եղել Սահակ Աղան, նրա տեսչության ներքո է գտնվել Երևանի հայ հասարակության մի խոշոր մասը։
Աբովյանը՝ Ավգուստ ֆոն Հաքստհաուզենին գրավոր մանրամասն տեղեկություններ է տվել Սահակ Աղայի մասին, որտեղից հայտնի է դառնում նախ, որ ինքը, Աբովյանը, մոտիկ հարաբերությունների մեջ է եղել այդ ընտանիքի հետ, ապա իմանում ենք, որ Սահակ Աղան Հյուսեին խանի իշխանավորների շրջանում եղել է հեղինակավոր անձերից մեկը։ Ռուսների տիրապետության ժամանակ, Նահանգական կառավարության նիստերին, խորհրդակցական ձայնով, իբրև տեղի հայերի ներկայացուցիչ, մասնակցել է Սահակ Մելիք-Աղամալյանը, ինչպես որ մահմեդականների կողմից մասնակցել է Մահմադ խան Սարդիպը։ Երևանի բնակչության այդ ներկայացուցիչները կոչվել են «ասեսորներ»։ Սահակ Աղան մեռել է 1835 թվին։ 100, 112, 128, 131…
ՍԱՐՔԻՍ ԱՂԱ — Ինչպես կարելի է եզրակացնել «Վերք Հայաստանի»-ից, խլղարաքիլիսեցի Սարքիս աղան պատմական-իրական անձ է, որը ղեկավարել է Խլղարաքիլիսի նշանավոր կռիվը Հասան խանի բանակի դեմ։ 96,102
ՍԱՐԴԱՆԱԲԱՂ — (ըստ Մ. Խորենացու կոչվել է նաև Թոնոս Կոնկոզեռոս)։ Ասորական ավանդական թագավոր, որ ապրել է 7-րդ դարում (մ. թ. ա.)։ 54
ՍԱՎԱՐԶԱՄԻՐԶԱ (Պոտտոյի մոտ գրվում է Սեվերսամիրձե)։ Գնդապետ, Ղլղարաքիլիսայի սահմանապահ գնդի հրամանատար։ 90
ՍԻՄՈՆԻՉ (ԳՐԱՖ ՍԵՄՈՆԻՉ) – Ռուս-պարսկական պատերազմին մասնակցած զինվորականներից, որ աչքի է ընկել Մադաթովի գլխավորած Շամխորի հայտնի ճակատամարտում։ Գրաֆ Սիմոնիչը թողել է մեմուարներ հիշյալ պատերազմի մասին։
Հյուլե 
Ծանուցում՝ Ուրիշ քաղաք, քաղաքի ներսում․ Թակոց/նոր փուլ | Հյուլե
Ծանուցում՝ Կոնդ | Հյուլե